Иртәгә ТНВ каналында яңа тапшыру чыга башлаячак

Һәр пәнҗешәмбе 22:00 сәгатьтә ТНВ каналында «Политкухня» исемле яңа подкаст чыга башлаячак. 

Проект тамашачыларны Татарстанның күренекле эшлеклеләренең балачактан килгән тәмле рецептлары белән сөендереп кенә калмыйча, республикабыз сәясәтчеләренең эчке кухнясы нечкәлекләрен дә ачачак.

Беренче чыгарылышларда Россия Герое Рәсим Баксиков, ТНВ телерадиокомпаниясе генераль директоры Илшат Әминов, Татарстан Республикасы Рәисе матбугат хезмәте җитәкчесе Лилия Галимова катнашачак.

Проектны блогер һәм җәмәгать эшлеклесе Алинә Гыймалтдинова алып барачак. Беренчы чыгарылышны иртәгә 22:00 сәгатьтә карый алачаксыз.