14 декабрь “Болгар радиосы” XII Милли музыкаль премиясен тапшыру тантанасы узачак

2024 елның 14 декабреньдә “Пирамида” концертлар залында елның төп музыкаль вакыйгасы – “Болгар радиосы” ның XII Милли музыкаль премиясен тапшыру тантанасы узачак. Менә инде 12 ел рәттән “Болгар радиосы” һәр кышны тыңлаучыларын грандиоз тамаша белән сөендерә. Быел да яраткан җырчыларыбыз сезгә матур, җылы һәм онытылмас кичә бүләк итәчәк дип ышандыра алабыз!

“Болгар радиосы” Милли музыкаль премиясен тапшыру тантанасы гадәти концерт кына түгел – ул “Алтын йолдыз” сынына лаек булган җырчылар өчен дә, әлеге вакыйганың шаһите булган тамашачылар өчен дә тарихи мизгел! Сезнең белән 14 декабрь көнне “Пирамида” концертлар залында очрашабыз.

Концертта катнашалар: Салават Фәтхетдинов, Элвин Грей, Илсөя Бәдретдинова, Гүзәл Уразова, Ришат Төхвәтуллин, Әнвәр Нургалиев, Зәйнәб Фәрхетдинова, Винера Ганиева, Филүс Каһиров, Марат Яруллин, Рифат Зарипов, Зинира-Ризат Рамазановлар, Вадим Захаров, Илшат Сафин, Алсу - Азат Фазлыевлар, Элмира Кәлимуллина, Раяз Фәсыйхов, Гөлназ һәм Илсур Шәрипҗановлар, Гөлназ Асаева, Альберт Вәлиуллин, Зәринә Хасаншина, Рафиль Җәләлиев һәм Эльмира Гыйлфанова, Сиринә Зәйнетдинова һәм башкалар.

Фото: "Болгар радиосы"