Яңа ел могҗизасы: ТНВ каналында Яңа ел төне бәйрәмен төшерделәр

Кар юк, ә яңа ел кәефе бар. ТНВ каналында инде бәйрәм мохите хөкем сөрә. Бу көннәрдә тамашачылар өчен Яңа ел концертын төшерәләр. Эфирда ул 31 нче декабрь төнендә күрсәтеләчәк.

Анда танылган эстрада артистлары, юмор осталары һәм каналның алып баручылары катнаша. Быел концепция үзгә - һәркемгә таныш классик әсәрләр дә, заманча хитлар да яңгыраячак. Өр-яңа декорацияләр, дистәләгән номер әзерләнгән.

Бәйрәм концертын төшерү барышын Алия Сабирова күзәтте.