Төркиядә җиңү яулаган кондитер Ләйлә Кашапова ТНВга интервью бирде

Татарстанның төп байлыгы ул сәләтле уңган халкы. Кондитер Ләйлә Кашапова - шуның бер затлы вәкиле. Узган атнада ул Истанбулдан шеф-поварлар ярышының алтын медален яулап кайтты.

Аның торты халыкара жюри вәкилләрен тәме белән генә түгел, ә чын сәнгать әсәре буларак эшләнеше белән дә шаккаттыра. Ни өчен Ләйлә кондитер һөнәрен сайлаган? Үзе баллы ризыклар яратамы? Бу хакта без аның үзеннән сорадык.