Балтач районының Чутай һәм Нөнәгәр авыллары СВОдагы егетләргә дип 20 мең данә аш җибәргәннәр

Махсус хәрби операциядә катнашучыларга волонтерлар даими ярдәм итеп тора. Татарстанда "Солдатка аш әзерлибез" дип аталучы проектка бик теләп кушылалар. 

Төрле районнарда яшәүче апалар - яшелчә киптерә, ярымфабрикатлар әзерли. Балтач районының Чутай һәм Нөнәгәр авылында ел башыннан бирле СВОдагы егетләргә дип 20 мең данә "коры аш" җибәргәннәр. 

Ризыкны ай саен төрләндереп торалар. Хәзер менюда - 9 төрдәге аш бар.

15 июль “ТНВ-Татарстан” һәм “ТНВ-Планета” телеканалларында 12 сәгатьлек “Җиңү армиясенә кушыл!” телемарафоны узачак. Туры эфир 08:00 сәгатьтә башланачак һәм 20:00 сәгатькә кадәр дәвам итәчәк. Эфир дәвамында дистәләгән кунак контракт хезмәтенең өстенлекләре турында сөйләячәк.