21 ноябрьдә Татарстанда аномаль җылы һава торышы сакланачак

Иртәгә, 21 ноябрьдә, Татарстан җирлегендә аномаль җылы һава торышы сакланачак, урыны белән яңгыр һәм җепшек кар явачак. Төнлә һәм иртән урыны белән томан. Җил тизлеге 15-18 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы +1..-3 градуска кадәр җитәчәк дип саный. Көндез 0..+4 градуска кадәр җылытачак. 

Казанда төнлә температура -1..+1 градус градуска җитәчәк. Көндезге сәгатьләрдә +2..+4 градус көтелә.

Фото: ТНВ