Татарстанда көчле җил сәбәпле шторм кисәтүе игълан ителде

Татарстан Гидрометеорология һәм әйләнә-тирә мохитне мониторинглау идарәсе белгечләре республика территориясендә көчле җил турында кисәтү игълан иттеләр.

Ведомство мәгълүматлары буенча, бүген һәм иртәгә Татарстанда көчле көньяк, көньяк-көнбатыштан 15-20 м/с җил, ә 22 ноябрьдә 02:00 дән 23:00 гә кадәр вакыт аралыгында урыны белән бик көчле җил 25 м/с кадәр булыр дип көтелә.

Синоптиклар шулай ук якындагы төндә республикада һава температурасы -3..+2 градуска кадәр төшәр дип фаразлый. Көндез +1..+4 градуска кадәр җылыта.

Фото: ТНВ