Синоптиклар Татарстанга кайчан суыклар киләчәген фаразлады

Сишәмбе көнне, 26 ноябрьдә, Татарстанда суыта башлаячак. Төнлә термометр баганалары -1..-6 градуска кадәр төшәчәк. Көндез, ТР Гидрометеорология үзәге фаразлавынча, +2..-2 градуска кадәр көтелә.

Быел һаваның җылынуы буенча рекорд куелды. Cоңгы 10 елда илдә температура 0 бөтен уннан 5 градуска күтәрелгән. Хәзер ул климат нормасыннан 5-6 градуска югары. Республикада Атлантикадан килгән циклон хакимлек итә.

Моңарчы бу вакытта -3, -4 градус салкын иде. Әлегә түбән температура төнлә генә күзәтелә. Татарстанга чын кыш кайчан килер? Итек-бияләйләрне әзерли башлыйсымы? Теманы Инзилә Хөсәенова дәвам итә.



Фото: pxhere.com