Синоптиклар Казанда кышның нинди булачагын фаразладылар

«Яндекс Погода» метеорологлары Татарстан башкаласында булачак кышка фараз бирде. Аларның мәгълүматлары буенча, Казанда, Россиянең барлык төбәкләрендәге кебек үк, климат нормасыннан уңай тайпылыш көтелә.

Шулай ук белгечләр температура рекордлары булмаячак, дип фаразлый, әмма бер тапкыр көчле салкыннар булу ихтималы да кире кагылмый, дип хәбәр итә «Известия».

Моннан тыш, Казанда явым-төшемнең узган кыш белән чагыштырганда бер ярым тапкырга кимүе көтелә.

Фото: TNV.RU