Берничә сәгатьтән Татарстан башкаласына "кара буран" килеп җитәчәк

Казанга "кара буран" якынлаша. Хәзер республиканың көнҗяк-көнчыгыш районнарында кар ява. Кичке 7гә таба җитәргә тиеш, дип хәбәр итә "Татарстан хәбәрләре" хәбәрчеләре синоптикларга таянып.

Кара буран - ул шундый табигать күренеше. Көчле җил булу сәбәпле кар буталып ява, җиргә параллель рәвештә ява. Шуңа юлларда күз күреме начар. Җилнең тизлеге секундына 18 метрга җитәргә мөмкин.

Юлларда кар көртләре, урыны белән бозлавык булуы ихтимал. Машина йөртүчеләргә сак булырга һәм тизлекне арттырмаска киңәш ителә.

Фото: pxhere.com