Киләсе тәүлектә Татарстанда кар һәм буран туктамаячак

Иртәгә, 17 декабрьдә, Татарстанда кар, көндез урыны белән көчле, җепшек кар көтелә. Җил тизлеге 15 м/с кадәр арта. Юлларда бозлавык, кар көртләре, кайбер районнарда буран. 

Татарстанның гидрометеорология идарәсе синоптиклары алдагы төндә республикада һава температурасы -2..-7 градуска кадәр җитәчәк дип саный. Көндез 0..-5 градуска кадәр җылытачак.

Казанда төнлә температура -3..-5 градус градуска җитәчәк. Көндезге сәгатьләрдә -1..-3 градус көтелә.

Фото: pxhere.com