Иртәгә Татарстанда -17 градуска кадәр суытачак

Иртәгә, 19 декабрьдә, Татарстанда сизелерлек суытачак. Кар урыны белән генә явып узачак. Төнлә һәм иртән томан булырга мөмкин.

Татарстанның гидрометеорология идарәсе синоптиклары алдагы төндә республикада һава температурасы -6..-11 градуска кадәр җитәчәк дип саный. Аязган вакытта -17 градуска кадәр суытачак. Көндез -3..-8 градуска кадәр җылытачак.

Казанда төнлә температура -12..-14 градус градуска җитәчәк. Көндезге сәгатьләрдә -6..-8 градус көтелә.

Фото: freepik.com