Татарстан синоптиклары Яңа ел төненә фаразларын бирделәр

Татарстан Гидрометүзәгендә республикада яңа ел төнендә һава торышы турында мәгълүмат бирделәр.

Аерым алганда, 31 декабрьдә Татарстанда кар, җепшек кар, буран һәм көчле җил көтә. Урыны белән бозлавык. Төнлә -3..-8 градуска кадәр суытачак, көндез -2..+1 градуска кадәр җылыначак.

Беренчел фараз буенча, 1 гыйнварга каршы төндә термометр баганалары -2..-7 градус чикләрендә тирбәләчәк. Көндез -3..+1 градуска кадәр булачак.

Шул ук вакытта кар һәм җепшек кар явуы көтелә. Һаваның уртача температурасы күпьеллык күрсәткечләрдән 6-8 градуска югарырак булачак.

Фото: pxhere.com