Иртәгә Татарстанда -18 градуска кадәр суыта

Иртәгә, 17 гыйнварда, Татарстанда урыны белән җепшек кар явачак. Кайбер районнарда буран, тайгак. Юлларда бозлавык саклана. Җил тизлеге 6-11 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -10..-15 градуска кадәр җитәчәк дип саный. Аязган вакытта -18 градуска кадәр суытырга мөмкин. Көндез -1..-6 градуска кадәр җылытачак.

Казанда төнлә температура -10..-12 градус градуска җитәчәк. Көндезге сәгатьләрдә -3..-5 градус көтелә.

Фото: freepik.com