Казанда 76 ел элек теркәлгән температура рекорды яңартылды

Татарстан башкаласында 30 гыйнвар өчен температура рекорды яңартылды. Бу хакта ТР Гидрометүзәгенең матбугат хезмәте хәбәр итә.

Әйтик, «Казан» метеостанциясе мәгълүматлары буенча һаваның максималь температурасы +1,3 градус тәшкил иткән, ә «Казан - Сокол» авиация метеостанциясе мәгълүматлары буенча һава +1,5 градуска кадәр җылынган.

Ведомство мәгълүматлары буенча, бу көн өчен Казанда температураның алдагы абсолют максимумы +1,2 градуска тигез булган һәм 1949, 1989, 1999 елларда билгеләнгән.

Фото: freepik.com