Яллар башында Татарстанда -21 градус суык фаразлыйлар

Иртәгә, 8 февральдә, Татарстанда сизелерлек явым-төшемнәрсез суык һава торышы саклана. Төнлә һәм көндез урыны белән томан. Юлларда бозлавык. Җил тизлеге 2-7 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -13..-18 градуска кадәр җитәчәк дип саный. Аязган вакытта -21гә җитәчәк. Көндез -5..-10 градуска кадәр җылытачак.

Казанда төнлә температура -13..-15 градус градуска җитәчәк, аязганда - 17.. Көндез һава -5..-7 градуска кадәр күтәрелә.

Фото: freepik.com