Татарстан синоптиклары күз күреме начараю турында кисәтте

ТР Гидрометеорология үзәге бүген кич, төнлә һәм 13 февраль иртән көтелә торган томан турында кисәтү таратты.

Гадәттән тыш хәлләр министрлыгында урамнар һәм юллар буйлап йөргәндә бик сак булырга киңәш итәләр. Җәяүлеләргә җир өсте яки җир асты кичүләреннән файдалану яхшырак.

"Балаларга күз-колак булыгыз, өлкән яшьтәге һәм авыру кешеләргә ярдәм күрсәтегез. Ашыгыч хезмәтләр телефоны 112", - диелә Гадәттән тыш хәлләр министрлыгы хәбәрендә.

Фото: TNV.RU