Җылытырга уйламый: иртәгә Татарстанда -24 градус фаразлыйлар

Иртәгә, 19 февральдә, Татарстанның кайбер районнарында кар яву көтелә. Төнлә сизелерлек суытачак. Юлларда бозлавык. Җил тизлеге 13 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -14..-19 градуска кадәр җитәчәк дип саный. Аяз вакытта -24 градуска кадәр җитә. Көндез -8..-13 градуска кадәр җылытачак.

Казанда төнлә температура -14..-16 градуска җитәчәк. Аяз вакытта - 19 градус. Көндез һава -8..-10 градуска кадәр күтәрелә.

Фото: kartin.papik.pro