Ялларда Татарстанда тагын да суытачак

Ялларда Татарстанда тагын да суытачак. Бу хакта синоптиклар кисәтә. Республика алдагы 2 көндә антициклон йогынтысында булачак. 

Көнчыгыш районнарда төнлә һәм иртән температура -27 градуска кадәр төшә. Көндез -13 тирәсе. Республиканың кайбер районнарында, урыны белән, куе томан булырга мөмкин. Юлларда - бозлавык. Явым-төшемнәр фаразламыйлар. Татарстан халкына һава торышы үзгәрүен исәпкә алып, җылы киенергә, иминлек кагыйдәләрен үтәргә киңәш итәләр.