Синоптиклар Татарстанның кайбер районнарында томан төшү хакында кисәтте

ТР Гидрометеорология үзәге белгечләре Татарстанда һава шартларының начараюы турында кисәтү таратты.

"25 февральдә төнлә һәм иртән Татарстан Республикасы җирлегендә урыны белән томан көтелә", - диелә ведомство хәбәрендә.

Моңа бәйле рәвештә гадәттән тыш хәлләр министрлыгында урамнарда һәм юлларда йөргәндә сак булырга киңәш итәләр. Машина юлын җәяүлеләр өчен җир өсте яки җир асты кичүләре буенча гына чыгу яхшырак.

Фото: ТНВ