Кыш Татарстаннан 24 градуслы салкыннар белән хушлаша

Иртәгә, 28 февральдә, Татарстанда алмашынучан болытлы һава торышы көтелә. Сизелерлек явым-төшемнәр көтелми. Төнлә һәм иртән кайбер районнарда томан. Юлларда бозлавык. Җил тизлеге 3-8 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -10..-15 градуска кадәр җитәчәк дип саный. Аяз вакытта -24 градус. Көндез -3..-8 градуска кадәр җылытачак.

Казанда төнлә температура -10..-12 градуска җитәчәк. Көндез һава -4..-6 градуска кадәр күтәрелә.

Фото: kartin.papik.pro