8 март алдыннан Татарстанда +2 градуска кадәр җылытачак

Татарстанда Халыкара хатын-кызлар көне алдыннан +2 градуска кадәр җылы көтелә. Бу хакта республиканың Гидрометеорология үзәге хәбәр итә.

Аерым алганда, 6 мартта көндез ТР буенча һава температурасы +1..-4 градуска кадәр күтәреләчәк, ә 7 мартта Татарстанда +2..-3 градуска кадәр җылыначак.

Шул ук вакытта төрле көчтәге явым-төшемнәр һәм җилнең көчәюе көтелә. Юлларда бозлавык саклана.

Фото: ТНВ