Иртәгә Татарстанда елның беренче "плюс"лы һава торышын фаразлыйлар

Иртәгә, 6 мартта, Татарстанда елның беренче плюслы температурасын фаразлыйлар. Шул ук вакытта кар да явып узачак.

Төнлә һәм иртән җиңелчә буран. Юлларда бозлавык. Җил тизлеге 14 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -3..-8 градуска кадәр җитәчәк дип саный. Көндез +1..-3 градуска кадәр җылытачак.

Казанда төнлә температура -3..-5 градуска җитәчәк. Көндез һава +1..-1 градуска кадәр күтәрелә.

Фото: freepik.com