Халыкара хатын-кызлар көне алдыннан Татарстанда +3 градус җылы фаразлыйлар

Иртәгә, 7 мартта, Татарстанда кар, җепшек кар, урыны белән яңгыр фаразлыйлар. Төнлә һәм иртән җиңелчә буран. Юлларда бозлавык. Җил тизлеге 14 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -2.-7 градуска кадәр җитәчәк дип саный. Көндез -2.+3 градуска кадәр җылытачак.

Казанда төнлә температура -2.-4 градуска җитәчәк. Көндез һава +1.+3 градуска кадәр күтәрелә.

Фото: freepik.com