Синоптиклар җәй нинди булачагын фаразладылар

География фәннәре докторы, профессор Юрий Переведенцев "Вечерняя Казань"га биргән интервьюсында 2025 елның җәендә Татарстанда көчле эсселек көтәргә кирәк дип белдергән. Бу соңгы елларда гадәткә кергән.

Үз чиратында, Татарстан Гидрометеорология үзәге башлыгы Феликс Гоголь билгеләп үткәнчә, кыш һәм язның җылы килүе җәй дә шундый ук эссе булачак дигән күрсәткеч түгел. Һава торышының үзен ничек күрсәтәчәге билгесез.

Шул ук вакытта якын көннәрдә Татарстанда җылы булачак. 13 мартта, термометр баганалары +8 градуска күтәреләчәк.