Быел Татарстанда язгы ташуны 20 көнгә иртәрәк көтәләр

Быел Татарстанда язгы ташуны гадәттәгедән 20 көнгә иртәрәк көтәләр. Чөнки көннәр җылы тора. Бу хакта Татарстанның Гадәттән тыш хәлләр министрлыгыннан хәбәр иттеләр.

Хәзер температура 0дән югары. Бу - елга, инешләр ачылуына китерә торган һава торышы, ди белгечләр. Әлеге чорда бозның калынлыгы да ышанычсыз. Кичә генә Башкаланың Идел буе районында 54 яшьлек балыкчы ир-ат боз астына төшеп батып үлә. Бу соңгы атна эчендә булган шундый 3нче фаҗигале очрак.