Төнләрен бераз суыта: 18 мартка һава торышы билгеле

Иртәгә, 18 мартта, Татарстанның көнчыгыш районнарында кар яварга мөмкин, иртән томан. Көндез сизелезлек явым-төшемнәр көтелми. Юлларда бозлавык. Җил тизлеге 4-9 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -2..-7 градуска кадәр җитәчәк дип саный. Көндез 0..+4 градуска кадәр җылытачак.

Казанда төнлә температура -3..-5 градуска җитәчәк. Көндез һава 0..+2 градуска кадәр күтәрелә.