Иртәгә көндез Татарстанда +17 градуска кадәр кыздырачак

Иртәгә, 1 апрельдә, Татарстанда күпчелек вакыт явым-төшемнәрсез. Җил тизлеге 13 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +2..-3 градуска кадәр җитәчәк дип саный. Кайбер районнарда төнлә -6 градуска кадәр суытырга мөмкин. Көндез +12..+17 градуска кадәр җылытачак.

Казанда төнлә температура 0..+2 градуска җитәчәк. Көндез һава +15..+17 градуска кадәр күтәрелә.

Фото: freepik.com