4 апрельдә Татарстанда көчле җил һәм -4 градуска кадәр суыту көтелә

Иртәгә, 4 апрельдә, Татарстанда аязучан болытлы көн көтелә, күпчелек районнарда явым-төшем көтелми. Җил тизлеге 15-20 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +1..-4 градуска кадәр җитәчәк дип саный. Көндез +9..+14 градуска кадәр җылытачак.

Казанда төнлә температура +1..-1 градуска җитәчәк. Көндез һава +12..+14 градуска кадәр күтәрелә.