Татарстанда шторм кисәтүе игълан иттеләр

Татарстан Гидрометеорология һәм әйләнә-тирә мохитне мониторинглау идарәсе белгечләре шторм турында кисәтү игълан иттеләр.

"2025 елның 12 апрелендә көндез һәм кичен (11дән 23 сәгатькә кадәр) Татарстан Республикасы территориясендә көньяк-көнбатыштан 15-20 м/с, урыны белән 25 м/с кадәр җил көтелә", - диелә ведомство хәбәрендә.

Шул ук вакытта иртәгә республикада бераз яңгырлар да көтелә. Төнлә +1..-4 градус, көндез +9..+14 градус булачак.

Фото: TNV.RU