+22 градус һәм яңгырлар: Татарстанда эш атнасы җылы тәмамланачак

Иртәгә, 18 апрельдә, Татарстанда кыска вакытлы яңгырлар белән алмашынучан болытлы көн көтелә. Җил тизлеге 14 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +5..+10 градуска кадәр җитәчәк дип саный. Көндез +17..+22 градуска кадәр җылытачак.

Казанда төнлә температура +8..+10 градуска җитәчәк. Көндез һава +19..+21 градуска кадәр күтәрелә.

Фото: pxhere.com