Бертуктаусыз коеп яуган яңгыр галәмәте - машиналар йөзә, җиһазлар яраксызга килә

Татарстанда икенче тәүлеген туктаусыз яңгыр койды. Казанда юлларда — машиналар, кибетләрдә - диваннар йөзеп йөрерлек булды.

Су йортларга, сәүдә үзәкләренә, лифтларга керә, урыны белән светофорлар эшләми. Авыл җирендә районнар язгы кыр эшләрен тәмамлый алмый, шәхси хуҗалыклар бәрәңге утыртмаган.

Белгечләр фаразлавынча, быелгы май явым-төшем күләме буенча рекорд куярга мөмкин. Соңгы тапкыр мондый хәл 35 ел элек күзәтелгән. 20 көндә нормадан ике тапкырга артыграк яңгыр яуган. Мондый һава торышы кайчанга кадәр сакланыр? Инзилә Хөсәенова репортажы.