Корбан гаете көнендә нинди һава торышы көтелә?

Иртәгә, 6 июнь, Татарстанда сизелерлек явым-төшемнәрсез алмашынучан көн көтелә. Җил тизлеге 12 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +6..+11 градуска кадәр җитәчәк дип саный. Көндез +20..+25 градуска кадәр җылытачак.

Казанда төнлә температура +9..+11 градуска җитәчәк. Көндез һава +23..+25 градуска кадәр күтәрелә.

Фото: ru.freepik.com