Татарстанда ял көннәре салкынча һәм яңгырлы булачак

Татарстанда ял көннәре салкынча һәм яңгырлы булачак. Урыны белән көчле яшенле яңгырлар көтелә. Синоптиклар шундый фараз ясады. 

"Бу - республикага килгән циклон йогынтысы", диләр. Һава температурасы шимбә төнендә плюс 8, ә якшәмбедә плюс 5 градуска калачак. Көндез дә әллә ни югары түгел 20 градустан артмаячак. "Киләсе атна башында да һава температурасы үзгәрми. 

Ул - климат нормасыннан 6-7 градуска түбәнрәк булыр" дип хәбәр итте белгечләр. Һава торышы турында тулырак "Татарстан хәбәрләре"ндә белә аласыз.

Фото: ТНВ, Алсу Галиева