Эш атнасы ахырында эссе бетәчәкме?

Иртәгә, 11 июльдә, Татарстанда алмашынучан болытлы, кыска вакытлы яңгырлы һәм яшенле һава торышы көтелә. Кайбер районнарда боз яварга мөмкин. Җил тизлеге 16-21 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +16..+21 градуска кадәр җитәчәк дип саный. Көндез +29..+34 градуска кадәр җылытачак.

Казанда төнлә температура +19..+21 градуска җитәчәк. Көндез һава +31..+33 градуска кадәр күтәрелә.

Фото: freepik.com