Игътибар! 3 сентябрьдә Татарстанда һава торышының кискен начараюын фаразладылар

Татарстанда метеошартларның начараюы турында кисәтүне чәршәмбе, 3 сентябрьдә, ТР Гидрометеорология үзәге белгечләре таратты.

Аерым алганда, кыска вакытлы яңгырлар инде төнлә башланачак, томан булуы ихтимал. Иртән һәм көндез явым-төшемнәр артачак. Кайбер районнарда яшенле яңгыр явачак.

Җил көньяк-көнбатыштан, төньяк-көнбатышка күчеп, секундына 14 метрга кадәр көчәячәк, яшен вакытында җилнең секундына 15-20 метрга кадәр көчәюе ихтимал.

Фото: TNV.RU