Октябрьнең соңгы көнендә Татарстанда -1 градуска кадәр суыта

Иртәгә, 31 октябрьдә, Татарстанда аязучан болытлы һава, урыны белән яңгыр, кайбер районнарда томан көтелә. Җил тизлеге 4-9 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы -1..+4 градуска кадәр җитәчәк дип саный. Көндез +3..+8 градуска кадәр җылытачак.

Казанда төнлә температура 0..+2 градуска җитәчәк. Көндез һава +4..+6 градуска кадәр күтәрелә.

Фото: ru.freepik.com