Татарстан синоптиклары ялларга фаразларын җиткерделәр

Татарстанда якындагы ялларда һава торышы турында ТР Гидрометеорология үзәге белгечләре мәгълүмат бирде. Фаразларга караганда, 8-9 ноябрьдә республикада секундына 15-18 метр тизлектәге көчле җил хакимлек итәчәк.

Шимбәгә каршы төндә Татарстанда +2..+7 градуска кадәр җылы булачак. Көндез һава +5..+10 градуска кадәр җылыначак. Яңгырлар явачак.

Якшәмбе төнлә +1..+4 градуска кадәр суытачак. Көндез республика буенча максималь температура +2..+7 градус тәшкил итәчәк. Сизелерлек явым-төшем көтелми.

Фото: TNV.RU