Быел "Татарча диктант" 14 ноябрьдә узачак

"Татарча диктант" бөтендөнья акциясенә санаулы көннәр кала - 14 ноябрьдә, бөтен дөнья буйлап меңләгән кеше бер үк вакытта парта артына утырып, татар телен яхшы белүләрен тикшерәчәк.

Быел юбилей акциясе - унынчы. Аны Россиянең 68 төбәгендә һәм дөньяның 26 илендә үткәрәчәкләр. Трансляция "ТНВ-Татарстан" һәм "ТНВ-Планета" телеканалларында, шулай ук "Болгар радиосы"нда узачак. Төп мәйданчык КФУ булачак.