Татарстанлыларны киләсе тәүлектә һава шартларының начараюы турында кисәттеләр

Татарстан Гидрометеорология үзәге якындагы тәүлектә һава шартларының начараюы турында кисәтү таратты.

Синоптиклар мәгълүматларына караганда, 27 ноябрьдә төнлә һәм иртән республика территориясендә, Казанны да кертеп, томан көтелә.

Исегезгә төшерәбез, күз күреме чикләнгән шартларда юл-транспорт һәлакәте куркынычы арта. Машина йөртүчеләргә дистанцияне сакларга, тизлекне киметергә һәм фаралар кулланырга киңәш итәләр.

Фото: генерация ИИ