9 декабрьдә Татарстанда -19 градуска кадәр суытачак

Иртәгә, 9 декабрьдә, Татарстанда явым-төшемнәр көтелми, әмма сизелерлек суытачак. Җил тизлеге 14 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -11..-16 градуска кадәр җитәчәк дип саный. Аяз вакытта -19 градуска төшәргә мөмкин. Көндез -4..-9 градуска кадәр җылытачак.

Казанда төнлә температура -11..-13 градуска җитәчәк. Түбән урыннарда - 15 градус. Көндез һава -5..-7 градуска кадәр күтәрелә.

Фото: сгенерировано ИИ