ТР Гидрометүзәге Татарстанда һава торышы начараю турында кисәтә

ТР Гидрометүзәге белгечләре алдагы тәүлектә республикада һава торышы начараю ихтималы турында кисәтү таратты.

Ведомство мәгълүматларына караганда, бүген көн ахырына кадәр Татарстанда, шул исәптән Казанда да, урыны белән бозлавык көтелә, ә төнлә томан төшәргә мөмкин.

Көндез көчле кар явуы фаразлана. Шулай ук буран чыгып, күрү мөмкинлеге 1–2 кмга кадәр начараерга, юлларда кар көртләре барлыкка килергә мөмкин.

Фото: TNV.RU