Гидрометүзәк: 2026 елның феврале һәм марты климат нормасыннан җылырак булачак

Россиядә 2026 елның феврале һәм марты климат нормасыннан җылырак көтелә. Бу хакта РИА Новости агентлыгына РФ Гидрометүзәгенең әйдәп баручы метеорологы Марина Макарова хәбәр иткән.

Аның сүзләренчә, озак вакытка төзелгән фаразлар кыш айларында җылыну тенденциясен күрсәтә. «Бездә 2026 елның марты һәм феврале буенча фараз бар. Нәтиҗәдә февраль — нормадан җылырак һәм март — нормадан җылырак», — дигән Макарова.

РФ Гидрометүзәге вәкиле билгеләп үткәнчә, алга таба да кышлар, гомумән алганда, җылырак була барачак.

Фото: TNV.RU