Иртәгә Татарстанда -33 градус фаразлыйлар

Иртәгә, 23гыйнварда, Татарстанда аномаль суыклар көтелә. Сизелерлек явым-төшемнәр юк. Җил тизлеге 4-9 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -22..-27 градуска кадәр җитәчәк дип саный. Кайбер урыннарда -33 градуска төшә. Көндез -15..-20 градус. -25 градуска кадәр суытырга да мөмкин.

Казанда төнлә температура -22..-24 градуска җитәчәк. Түбән урыннарда -27 градуска кадәр. Көндез һава -17..-19 градуска кадәр күтәрелә. Юлларда тайгак!

Фото: сгенерировано ИИ