Көчле кар явышы: коммуналь хезмәтләр гадәттән тыш режимда эшли

Гыйнварның иң карлы эш атнасы тәмамланды. Әмма ишегалды җыештыручылар һәм юл хезмәтләре өчен эш башлана гына. Казанда "Буран" планы игълан ителде. Шәһәр бар көчен кар чистартуга юнәлтәчәк. Чөнки алдагы 3 көн тагын да карлырак булырга мөмкин.

Cиноптиклар иң күп явым-төшем теркәлгән район-шәһәрләрне атады. Исемлекнең башында - Арча, Югары Ослан районнары, Казан, Кайбыч һәм Алабуга бар. Соңгы тәүлектә башкалада гына айлык норманың өчтән бер өлеше яуган. Хәзер техника көчәйтелгән режимда эшли. Шулай да бүген күпләр юлга үз машиналарында чыга алмады, җәмәгать транспорты эшендә дә үзгәреш булды. Тулырак Алия Сабирова.