Кар рекордлар куйды: Казан урамнарында чистарту эшләре көчәйтелә

Казан өчен, яңа эш атнасы - кардан арынудан башланды. Явым-төшем күләме буенча башкала берничә рекорд куйган инде. Соңгы вакытта иң карлы дип саналган 2024нче елның гыйнварына караганда да күбрәк яуган.

Ә шәһәр урамнарыннан карның бары тик яртысын гына чыгарырга өлгергәннәр. Шуңа күрә бүген “Буран” планын тагын ике көнгә озайту карары кабул ителде. Шушы вакыт эчендә юлларны, ишегалларын, социаль учреждениеләр һәм азык-төлек кибетләреНӘ керү урыннарын чистартып бетерергә кирәк.

Бу эш ничек алып барыла? Моны Рүзәл Шәрипов күреп кайтты.