Синоптик Шувалов: Атна ахырында Татарстанда яхшылап җылытачак

Февраль ахыры гадәттә кыш белән яз очрашкан чор дип санала. Синоптик Александр Шувалов «Татар-информ» хәбәрчесе белән әңгәмәсендә Татарстанны бу вакытка хас һава торышы тирбәлеше көтүен әйтте.

«Бүген-иртәгә -4..-9 градус көтелә, аннары бер тәүлеккә 0..-5 градуска кадәр, соңыннан яңадан -4..-9 градуска төшәчәк, төнлә исә -10..-12 градуска кадәр суыта, ә якшәмбе яхшылап җылытачак», — дип билгеләп үтте синоптик.

Иң төп сюрприз атна ахырында көтелә: якшәмбе республика төньяк-көнбатыштан килүче циклонның җылы секторына эләгәчәк. Нәтиҗәдә температура нульгә якынаерга мөмкин.

Фото: TNV.RU