26 февральгә һава торышы билгеле

26 февраль, пәнҗешәмбе көнне, Татарстанда урыны белән аз һәм уртача кар явачак. ТР Гидрометүзәге хәбәр иткәнчә, көньяк-көнчыгыш җиленең тизлеге 5–10 м/с ка җитәчәк. Юлларда бозлавык.

Пәнҗешәмбегә каршы төндә республикада һава температурасы -7…-12 градус була, көнчыгышта кайбер урыннарда -16 градуска кадәр суыта. Көндез -3…-8 градуска кадәр җылытачак.

Казанда төнлә -7…-9 градус, урыны белән -12 градуска кадәр. Көндез шәһәрдә якынча -4…-6 градус көтелә.

Фото: ЯИ тарафыннан ясалган / ТНВ