ТР Гидрометүзәге кисәтә: 7 мартта буран һәм җил 17 м/с кадәр көчәя

Шимбә, 7 мартта, Татарстанда һава торышы начараю көтелә: 1–2 км-га кадәр күрү мөмкинлеге кимү белән буран һәм җилнең 17 м/с-ка кадәр көчәюе ихтимал. Тиешле кисәтүне ТР Гидрометүзәге чыгарды.

Шул уңайдан республиканың Гадәттән тыш хәлләр министрлыгы яшәүчеләргә иминлек кагыйдәләрен искәртте:

• Йорт диварлары янында басып тормагыз — түбә материаллары төшү куркынычы бар.
• Реклама такталары, элмә такталар һәм электр тапшыру линияләреннән читтәрәк йөрегез.
• Мөмкин булса, шәхси транспортны өйдә калдырыгыз.
• Юлда кискен хәрәкәтләрдән, узып китүдән һәм кинәт туктаудан сакланыгыз.

Фото: сгенерировано ИИ / ТНВ