Апрельдәгечә җылы: 13 мартка һава торышы

Җомга, 13 мартта, Татарстанда һава температурасы тагын да күтәреләчәк, шул ук вакытта сизелерлек явым-төшем көтелми.

Җил көньяк-көнбатыштан 5–10 м/с исәчәк. Юлларда урыны белән көчле бозлавык саклана, дип кисәтә ТР Гидрометүзәге белгечләре.

Җомгага каршы төндә республикада һава температурасы -1…-6 градус булачак (Казанда -1…-3 градус). Көндез исә республика буенча һава апрельгә хас +3…+8 градуска кадәр җылытачак (башкалада +5…+7 градуска кадәр).

Фото: Сгенерировано ИИ / ТНВ